7-қадам. Электрондық пошта арқылы хабарландыруларды жіберу әдісін конфигурациялау

Барлығын жаю | Барлығын жию

Басқарылатын құрылғыларда "Лаборатория Касперского" бағдарламалары жұмыс істеген кезде тіркелетін оқиғалар туралы хабарландыру жіберу параметрлерін конфигурациялаңыз. Бұл параметрлер Басқару сервері үшін әдепкі бойынша мәндер ретінде пайдаланылады.

"Лаборатория Касперского" бағдарламаларының туындайтын оқиғалары туралы хабарландырулар таратылымын конфигурациялау үшін келесі параметрлер қолжетімді:

• Алушылар (электрондық пошта мекенжайлары)

  Бағдарлама хабарландыру жіберетін пайдаланушылардың электрондық пошта мекенжайлары. Сіз бір немесе одан да көп мекенжайларды көрсете аласыз. Бірнеше мекенжайды көрсетсеңіз, оларды үтірлі нүктемен бөліңіз.

• SMTP серверлері

  Ұйымыңыздың пошта серверлерінің мекенжайы немесе мекенжайлары.

  Бірнеше мекенжайды көрсетсеңіз, оларды үтірлі нүктемен бөліңіз. Келесі параметр мәндерін пайдалануыңызға болады:

  • IPv4 мекенжайы немесе IPv6 мекенжайы;
  • Windows желісіндегі құрылғының атауы (NetBIOS атауы);
  • SMTP сервері DNS атауы.
• SMTP серверінің порты

  SMTP серверінің коммуникациялық портының нөмірі. Бірнеше SMTP серверін қолдансаңыз, олармен қосылым көрсетілген коммуникациялық порт арқылы орнатылады. Әдепкі бойынша 25-порт орнатылған.

• ESMTP аутентификациясын пайдалану

  ESMTP аутентификациясын қолдауды қосу. Жалаушаны қойғаннан кейін, ESMTP аутентификациясы параметрлерін Пайдаланушы аты және Құпиясөз өрістерінде көрсетуге болады. Әдепкі бойынша, жалауша алынып тасталған.

• Параметрлер

  Келесі параметрлерді белгілеңіз:

  • Тақырып (электрондық хат тақырыбының атауы).
  • Электрондық пошта жіберушінің мекенжайы.
  • SMTP сервері үшін TLS параметрлері.

  SMTP сервері үшін TLS параметрлерін көрсетуіңізге болады:

  SMTP сервері осы протоколды қолдайтын болса, TLS қолдануды өшіре аласыз, TLS қолдана аласыз немесе тек TLS-ті күштеп қолдана аласыз. Егер сіз тек TLS пайдалануды ұйғарсаңыз, SMTP серверінің түпнұсқалық растамасы үшін сертификатты көрсетіп, кез келген TLS нұсқасы арқылы немесе тек TLS 1.2 не одан кейінгі нұсқалары арқылы қосылуға рұқсат бергіңіз келетінін таңдай аласыз. Сондай-ақ, тек TLS пайдалануды ұйғарсаңыз, SMTP серверінде клиенттің түпнұсқалық растамасы үшін сертификат көрсете аласыз.

  • SMTP серверінің сертификаты файлын таңдаңыз:

  Сіз сенімді сертификаттау орталығынан сертификаттар тізімі бар файлды ала аласыз және оны басқару серверіне жүктей аласыз. Kaspersky Security Center бағдарламасы SMTP серверінің сертификатына сенімді сертификаттау орталығы қол қойғанын тексереді. SMTP серверінің сертификаты сенімді сертификаттау орталығынан алынбаса, Kaspersky Security Center бағдарламасы SMTP серверіне қосыла алмайды.

  • Клиент сертификаты файлын таңдаңыз:

  Сіз кез келген көзден, мысалы, кез келген сенімді сертификаттау орталығынан алынған сертификатты пайдалана аласыз. Сертификаттың келесі түрлерінің бірін пайдаланып, сертификат пен оның жеке кілтін көрсетуіңіз керек:

  • X.509 сертификаты:

  Сертификаты бар файлды және жеке кілт файлын көрсетіңіз. Сіз бұл файлдарды кез келген ретпен жүктей аласыз. Екі файл да жүктелген кезде жеке кілттің шифрсыздау үшін құпиясөзді енгізіңіз. Жеке кілт шифрланбаған болса, құпиясөздің мәні бос болуы мүмкін.

  • PKCS#12 пішіміндегі сертификаты бар контейнер:

  Сертификат пен сертификаттың жеке кілті бар бір файлды жүктеуіңіз керек. Файл жүктелген кезде, жеке кілттің шифрсыздау үшін құпиясөзді көрсету керек. Жеке кілт шифрланбаған болса, құпиясөздің мәні бос болуы мүмкін.

Электрондық пошта хабарлары туралы хабарландыру параметрлерін Тексеру хабарын жіберу түймесі арқылы тексеруге болады.

Оқиға хабарландыруларын, бағдарламаны жылдам іске қосу шеберін іске қоспай-аяқ, кейінірек конфигурациялай аласыз.

Басына оралу